Novos pasos por Bretaña

Prensa 7: Televisión de Galicia Entrevista no programa Zigzag Diario de TVG2 na que Pemón Bouzas é entrevistado por Pilar García Rego. http://www.crtvg.es/cultural/corte-a-corte/zigzag-diario-entrevista-a-pemon-bouzas-novos-pasos-por-bretana En Mont-San-Michel

Continúo con máis agradecementos pola acollida nos medios e da crítica literaria a NOVOS PASOS POR BRETAÑA .  Nesta ocasión a Luís Iglesias que me entrevistou para a SER en Galicia  e a Silvana Moril quen fixo o propio para Santiago TV . Tamén quero agradecer as críticas de Manuel Rodríguez Alonso no blog Bouvard e Pécuchet de Dorita Castro Soliño no Faro Cultura de Faro de Vigo . http://bouvard.blogaliza.org/2014/02/24/na-tradicion-da-literatura-de-viaxes/ Pemón Bouzas percorre a mítica Bretaña, pero faino dun xeito culturalista , sen que este termo sexa pexorativo, senón todo o contrario. Bouzas descríbenos as paisaxes, a arte e as xentes da Bretaña francesa da man do Castelao de  As cruces de pedra na Bretaña  ou do Cunqueiro de As crónicas do sochantre . Neste sentido, acerta o autor ao comparar a Bretaña que viu Castelao nos anos vinte do pasado século coa actual. Infórmanos sobre como cambiou a vida, mais tamén nos dí que se mantén a arquite...

O meu agradecemento a El Correo Gallego e a Xurxo Fernández por esta fermosa recensión lieteraria sobre a viaxe literaria como argumento de NOVOS PASOS POR BRETAÑA , editado por Xerais .

Boas novas para o libro NOVOS PASOS POR BRETAÑA xa que figura no quinto lugar  na modalidade de "Ensaio" dos libros galegos máis vendidos no mes de febreiro, cun so mes nas librerías. Este dato foi publicado  no " Taboleiro do libro galego " que o CADERNO DA CRÍTICA , blogue de Ramón Nicolás , inclue mes a mes. Aquí vos deixo a ligazón á debandita páxina: http://cadernodacritica.blogaliza.org/2014/03/01/taboleiro-do-libro-galego-xx-do-1-ao-28-de-febreiro/ 5º-.   Novos pasos por Bretaña , de  Pemón Bouzas , Edicións Xerais. No dolmen cristianizado de Guilliguy - Porsall, debullado por Castelao

Novos pasos por Bretaña foi presentado de forma oficial o pasado mércores 19 de febreiro na Libraría Couceiro de Santiago de Compostela. Estiven acompañado por Manuel Bragado , director de Xerais , e polos xornalistas Eva Millán , de Radio Voz , e Xurxo Fernández , de El Correo Gallego , que actuaron como padriños da criatura. Un nutrido grupo de seguidores ocuparon o espazo destinado ás presentacións na librería e varios medios de comunicación estiveron atentos ao evento literario. Manuel Bragado falou do libro como unha viaxe de autor, como literatura de viaxes , non como guía, http://bretemas.com/onte-889-a-ollada-bretoa-de-pemon-bouzas/ Eva Millán recreouse nun paralelismo de tres viaxes: a de Castelao , a de Cunqueiro e a de Pemón Bouzas , autor de Novos pasos por Bretaña . Xurxo Fernández insistiu na parte máis literaria, na que lle lembraba aos viaxeiros doutros tempos, doutras latitudes. Ao remate, sinaturas de exemplares e agarimos. Grazas aos ...

O meu agradecemento a Eva Millán pola magnífica conversa que mantivemos en Radio Voz sobre NOVOS PASOS POR BRETAÑA. Agradecemento extensivo a Ramón Castro que me entrevistou en Onda Cero nun ambiente sempre cordial e agradable, coma sempre.  Con Eva Millán Con Ramón Castro

A xornalista da  axencia EFE  Sandra Landeira fíxome esta entrevista que foi recollida por unha manchea de medios galegos e non galegos. Foto EFE na libraría Couceiro de Santiago antes da presentación do libro.

Armando Requeixo publicou este artigo sobre NOVOS PASOS POR BRETAÑA en El Ideal Gallego e en Diario de Ferrol, tamén no seu blog CRITICALIA http://armandorequeixo.blogaliza.org/2014/02/17/a-conexion-bretoa/

Artigo de SANTIAGO JAUREGUIZAR  no xornal El Progreso e en Diario de Pontevedra.

O mércores, 19 de febreiro, ás 20:00 horas, na libraría Couceiro, Praza de Cervantes, 6 de Santiago, terá lugar a presentación de  Novos pasos por Bretaña  de  Pemón Bouzas . No acto participarán Eva Millán, Xurxo Fernández, Manuel Bragado e o autor.

Esta é a primeira remesa de fotos que adxunto para completar a miña visión de Bretaña que está no libro NOVOS PASOS POR BRETAÑA que veño de publicar con Edicións Xerais de Galicia. Estes son realmente algúns dos meus primeiros pasos por Bretaña cando, en 2008, estiven  na Armórica facendo o documental PAIXÓN POLO MAR para TVG. Entre os compañeiros e amigos daquela singladura están Victorino Lourido, X.A.Domelo, Suso Rouco e Toño Callón. Recén chegados a Brest  En Lagatjar, mirtando a parada marítima cos bunkers ao fondo. Traballando no fin do mundo dos bretóns. En Brest Detalle do calvario de Crozón O faro da Ile Vierge, Plouguerneau. Na rada de Brest Porto da Recouvrance, Brest Douarnenez Durante a festa marítima de 2008, Brest.

Esta é a primeira reseña en prensa de Novos Pasos por Bretaña, feita por Amaia Mauleón no Faro de Vigo de hoxe luns, 27 de xaneiro de 2014. Moitas grazas.

O libro Novos pasos por Bretaña segue medrando, agora xa ten Booktrailer. Un magnífico traballo feito por Bones & Pics que agardo vos sexa atractivo e vos invite a ler o libro. Por certo, Novos pasos por Bretaña xa está chegando ás librerías.

Neste mes de xaneiro de 2014 chega ás librerías o meu novo libro: NOVOS PASOS POR BRETAÑA editado por Xerais . Un libro sinxelo froito das experiencias vividas  durante as catro visitas que fixen a Bretaña nos últimos anos, e inspirado por lecturas anteriores, sobre todo pola obra “AS CRUCES DE PEDRA NA BRETAÑA” de Castelao e polas “CRÓNICAS DO SOCHANTRE” de Álvaro Cunqueiro , ademais doutros artigos, referencias bibliográficas e documentais.  Porén, considero que é una obra o suficientemente ampla como para debullar una viaxe persoal que poida provocar no lector a necesidade da súa propia viaxe, dos seus propios pasos polas terras da antiga Armórica. Así lle pareceu a Manuel Bragado , director de Edicións Xerais de Galicia, xa que pensou que con este libro podería arrancar a serie de viaxes da colección Crónica . No libro, o texto vai acompañado por unha manchea de fotografías relacionadas cos capítulos da obra; capítulos que ademais de buscar as pegadas de Cast...